ՀՈՒՇ-ՑԵՐԵԿՈՒՅԹ՝ ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ ՀԵՐԹԱԿԱՆ ՏԱՐԵԼԻՑԻՆ
Հուշ-ցերեկույթի սկզբում ներկաները մեկ րոպե լռությամբ հարգեցին ցեղասպանությանը զոհ դարձած անմեղ նահատակների հիշատակը: Ներկայացվեց փոքրիկ բեմադրություն հայ ժողովրդի խաղաղ կյանքի մասին, ինչը երիտթուրքերի վայրագությունների արդյունքում կտրուկ փոխվեց: Բեմադրությունն անչափ հուզել էր ներկաներին…
Աշակերտները մեծ պատասխանատվությամբ էին պատրաստվել հուշ- ցերեկույթին՝ գիտակցելով, որ իրենց նախնիների հոգու 107-ամյա կանչը հնչում և լսվում է նաև այսօր ու լսելի կլինի միշտ:
Ցերեկույթի ընթացքում ներկայացվեց՝ ի՞նչ գաղափար էր ընկած ցեղասպանության հիմքում, ե՞րբ և ինչպե՞ս էր այն կազմակերպվել և իրագործվել, ո՞րն էր նպատակը, ովքե՞ր էին ծրագրի կազմակերպիչները և իրագործողները, ե՞րբ է առաջին անգամ <<ցեղասպանություն>> եզրույթն օգտագործվել, և ո՞ր երկներն են այդ ողբերգությունը և վայրագությունը անվանել ցեղասպանություն: Շնորհակալական խոսքեր հնչեցին աշխարհի այն 34 երկրների լեզուներով, որոնք ճանաչել են Հայոց ցեղասպանությունը:
Անդրադարձ եղավ նաև հայ վրիժառուների կողմից իրականացված <<Նեմեսիս>> գործողությանը:
Հուշ-ցերեկույթն ամփոփվեց աշակերտների ոգեղեն երգով,որով նրանք հաստատեցին, որ հիշողությունը ջնջել չի լինի:Ինքնապաշտպանական փայլուն օրինակ դարձած Վան քաղաքի պայքարի պատգամն է փոխանցվում սերունդներին:
Մե՛նք հավատարիմ ենք մեր արմատներին:
Չե՛նք մոռանա մեր ներսի պատվավոր հային:Ցեղասպանությունը մարդկության դեմ ծանրագույն հանցագործություն է:Ինչպես ասել է հոլոքոստը վերապրած Էլի Վիզելը՝ <<Ժխտել, նշանակում է կրկին սպանել>>:
Հիշո՛ւմ և պահանջո՛ւմ ենք: