“UPSHIFT” ԴԵՌԱՀԱՍՆԵՐԻ ԶԱՐԳԱՑՄԱՆ ԵՎ ՀԱՄԱՅՆՔԱՅԻՆ ՆԵՐԳՐԱՎՎԱԾՈՒԹՅԱՆ ԽԹԱՆՄԱՆ ԾՐԱԳԻՐ
Թիմերին ողջույնի խոսքով ոգևորեցին «ՅՈՒՆԻՍԵՖ»-ի Հայաստանյան գրասենյակի ներկայացուցչի պատասխանատու Սիլվի Մեստրոնին, Գյումրու ՛՛Երիտասարդական նախաձեռնությունների կենտրոն՛՛ ՀԿ-ի խորհրդի նախագահ Արթուր Նաջարյանը, Գեղարքունիքի մարզպետարանի, Գավառի համայնքապետարանի ներկայացուցիչները, հյուրերը: Շնորհանդեսի ընթացքում թիմերը ներկայացրեցին իրենց ծրագրերը՝ ցուցադրելով տեսանյութեր ու սահիկաշարեր: Թիմերը իրենց ծրագրերի վրա աշխատել էին երեք շաբաթ, որի ընթացքում հասցրել էին կատարել սոցհարցումներ, ձեռք բերել բազմաթիվ պայմանավորվածություններ, կատարել հետազոտական աշխատանքներ, իրականացնել բյուջեի հաշվում, իրենց կցված մենթորների օգնությամբ և աջակցությամբ ավարտուն տեսքի հասցնել ներկայացվելիք ծրագրերը: Շնորհանդեսի ընթացքում թիմերը խոսեցին կատարվելիք աշխատանքների, ծրագրերի նորարարությունների, դրանց իրագործման անհրաժեշտության և կարևորության մասին: Նրանք հանդես եկան գեղեցիկ կատարումներով, ոգեւորեցին ժյուրիին իրենց հետաքրիր գաղափարներով: Ժյուրի քննարկումների արդյունքում ընտրվեց 5 գաղափար, որոնք ֆինանսավորում կստանան՝ իրենց ծրագրերը կյանքի կոչելու համար: